Ստամբուլում հրաժեշտ տվեցին Պոլսո Հայոց պատրիարքին

Ստամբուլում Պոլսո հայոց պատրիարք, արք Մեսրոպ Մութաֆյանի վերջին հրաժեշտը տեղի է ունեցել հազարավոր քաղաքացիների մասնակցությամբ։

Ստամբուլի հայկական Աթոռանիստ Սուրբ Մարիամ Աստվածածին եկեղեցում կազմակերպված սգո արարողությանը մասնակցել են նաեւ բազմաթիվ թուրք քաղաքական գործիչներ, պաշտոնյաներ եւ մտավորականները։

Արք․ Մեսրոպ Մութաֆյանի վերջին հրաժեշտի սգո միջոցառմանը ներկա է եղել եւ արարողության կրոնական մասը ղեկավարել է Երուսաղեմի հայոց պատրիարք, արք․ Նուրհան Մանուկյանը։

Հիշեցնենք, որ մարտի 8-ին՝ 63 տարեկան հասակում Ստամբուլում երկարատեւ հիվանդությունից հետո մահացել է Պոլսո Հայոց պատրիարք Մեսրոպ Մութաֆյանը։

Պատրիարքը երկար տարիներ գամված էր անկողնում եւ չէր կարողանում կատարել պարտականությունները։ Թուրքիայի կառավարության որոշմամբ` պատրիարքի պարտականությունները իրականացնում է արք.  Արամ Աթեշյանը։

Պատրիարքի մարմինն ամփոփվել է Շիշլիի հայկական գերեզմանատանը։

https://news.am/arm/news/501780.html