Դինքի գործով երկու մեղադրյալ պայմանական ազատ է արձակվել

Ստամբուլի դատարանը «Ակօս» պարբերականի երջանկահիշատակ խմբագիր Հրանտ Դինքի գործով մարտի 14-ին որոշում է կայացրել երկու կասկածյալների պայմանական ազատ արձակման վերաբերյալ: Ինչպես հաղորդում է «Արմենպրես»-ը, այս մասին հայտնում է թուրքական «Անադոլու» գործակալությունը:

Ստամբուլի ժանդարմերիայի հետախուզական բաժնի ղեկավար Մուհարեմ Դեմիրքալեն և Fox TV հեռուստաընկերության լրատվական բաժնի տնօրեն Էրջան Գյունը պայմանական ազատ են արձակվել: Նրանց նկատմամբ երկրից դուրս գալու արգելք է կիրառվել:

Դինքի ընտանիքի փաստաբանների պահանջով` հաջորդ դատական նիստին հարցաքննվելու է Ստամբուլի նախկին նահանգապետ Մուամեր Գյուլերը:

Դինքի սպանության գործով հաջորդ դատական նիստը տեղի կունենա հունիսի 11-13-ը:

https://armenpress.am/arm/news/967609.html