Թուրքիայի Դիարբեքիր նահանգում գտնվող Սուրբ Կիրակոս և տեղի կաթոլիկ եկեղեցիները վերականգնվում են: Ֆինանսավորումը կատարվում է Թուրքիայի շրջակա միջավայրի եւ քաղաքաշինության նախարարության կողմից: «Արմենպրես»–ի հաղորդմամբ, Dailysabah-ը տեղեկացնում է, որ կառավարությունն աշխատանքների համար հատկացրել է 15 մլն թուրքական լիրա, որը կվերահսկվի Պետական հիմնադրամների գլխավոր տնօրենների կողմից:
Սուրբ Կիրակոս եկեղեցին կառուցվել է 1376 թ. և համարվում է ամենամեծ հայկական եկեղեցին Մերձավոր Արևելքում: 2012 թ. նոյեմբերին, 32 տարվա ընդմիջումից հետո, այստեղ կատարվեց վերանորոգմանը հաջորդած առաջին եկեղեցական արարողությունը: Նույն օրը եկեղեցում տեղի ունեցավ նաև առաջին պսակադրությունը: Սուրբ Կիրակոս եկեղեցու վերանորոգման աշխատանքներն իրագործվել են Կ.Պոլսի Հայոց պատրիարքարանի ֆինանսական աջակցությամբ: Աշխատանքներին աջակցություն է ցուցաբերել նաեւ Դիարբեքիրի քաղաքապետարանը:
2015 թ. Դիարբեքիրում թուրք–քրդական բախումների պատճառով տեղի եկեղեցիները լուրջ վնաս են կրել:
Leave a Reply