Թուրքիայում ոստիկանությունը հավաքել է քրդամետ կուսակցության քրդերեն նախընտրական պաստառները

Մուշի Վարթո շրջանում թուրքական ոստիկանությունը հեռացրել է քրդամետ Ժողովուրդների դեմոկրատական կուսակցության (HDP-ԺԴԿ) քրդերեն պաստառներն ու ազդագրերը:

Նշվում է, որ նախընտրական պաստառները հեռացնելու ցուցումը տրվել է Վարթոյի հանրապետական դատախազության կողմից:

Նույն բանը կատարվել է նաև Իգդիրում, որտեղ 15 օր առաջ տեղադրված քրդերեն նախընտրական տասնյակ պաստառներ գիշերով հեռացվել են ոստիկանության աշխատակիցների կողմից: Բայց նույն օրվա ընթացքում քրդամետ կուսակցության ակտիվիստները այլ գրությամբ նոր քրդերեն պաստառներ են կախել Իգդիրում:

Ավելի վաղ տեղեկություններ էին տարածվել այն մասին, որ ԺԴԿ-ի պաստառները հեռացվել են Սիիրթում (Սղերթ), Աղրըում (Արարատ-Ակունքի խմբ.) և Բիթլիսում (Բաղեշ-Ակունքի խմբ.):

Աղբյուր` Demokrathaber.com

Ermenihaber.am