Պե՞տք է մենք անդրադառնանք Կիպրոսի հարցին, եթե Թուրքիան շարունակի հարաբերությունները կապել Ղարաբաղի հետ․ Փաշինյան

Հայկական կողմը չի տեսնում ազդանշաններն այն բանի, որ Թուրքիայի դիրքորոշման մեջ որեւէ փոփոխություն կա։ Այս մասին Հայաստանի վարչապետ Նիկոլ Փաշինյանը հայտարարել է Euractiv կայքին տված հարցազրույցում։

Պատասխանելով այն հարցին, թե կա՞ն արդյոք դրական ազդանշաններ, որ հարաբերությունները կարող են լավանալ, վարչապետն ասել է, որ եթե Թուրքիան իրեն ժողովրդավարական պետություն է համարում, ապա պետք է ողջունի ժողովրդավարության հաղթանակը հարեւան երկրում եւ երկխոսություն սկսի։

«Այս համատեքստում Թուրքիայի հակահայկական դիրքորոշման պահպանումը խորհելու առիթ է տալիս։ Մենք հաստատում ենք առանց որեւէ նախապայմանների մեր հարաբերությունները վերականգնելու հաստատակամությունը։ Պե՞տք է արդյոք մենք ներառենք մեր օրակարգում Կիպրոսի խնդիրը եւ Թուրքիայում մարդու իրավունքների հետ կապված խնդիրները, եթե Անկարան շարունակի առաջ մղել միայն ղարաբաղյան հակամարտության լուծումից հետո Հայաստանի հետ դիվանագիտական հարաբերություններ հաստատելու իր դիրքորոշումը։ Կբերի՞ արդյոք նման քաղաքականությունը կայունություն մեր տարածաշրջանում»,- տարակուսանք է հայտնել Փաշինյանը։

https://news.am/arm/news/499525.html