Կենտրոնամետ Դեմոկրատների Միջազգային Միության նախագահի գլխավորած պատվիրակությունն այցելել է Ծիծեռնակաբերդի հուշահամալիր

Հայաստանի Հանրապետական կուսակցության հրավերով Հայաստանում գտնվող Կենտրոնամետ Դեմոկրատների Միջազգային Միության նախագահ Անդերս Պաստրանայի և Եվրոպայի ժողովրդական կուսակցության գլխավոր քարտուղար Անտոնիո Լոպես–Իստուրիցի գլխավորած պատվիրակությունը այցելել է Ծիծեռնակաբերդի հուշահամալիր, ծաղկեպսակ դրել Մեծ եղեռնի զոհերի հուշարձանին, հարգանքի տուրք մատուցել Հայոց Ցեղասպանության զոհերի հիշատակին:

Ինչպես «Արմենպրես»-ին հայտնեցին ՀՀԿ մամուլի ծառայությունից, հյուրերը շրջայց են կատարել նաև Հայոց ցեղասպանության թանգարանում, որտեղ Անդերս Պաստրանան գրառում է կատարել պատվավոր հյուրերի հուշամատյանում:

Պատվիրակությանն ուղեկցել է ՀՀԿ փոխնախագահ Արմեն Աշոտյանը:

https://armenpress.am/arm/news/966180/