Թուրք մտավորական և սյունակագիր Մուրադ Սևինչը մեկնաբանել է Թուրքիայի փաստաբանների միության (TBB) նախագահ Մեթին Ֆեյզիօղլուի ազգայնական ելույթն ուղղված Ստամբուլում ապրիլի 24-ին Հայոց ցեղասպանության զոհերի հիշատակին կազմակերպվող երթերին մասնակցող քաղաքացիներին:
Ի պատասխան ազգայնական պաշտոնյայի այն հայտարարության, թե «Ի հեճուկս «Բոլորս հայ ենք» ասողների ասում ենք՝ բոլորս թուրք ենք» Diken կայքի իր սյունակում Սևինչը գրել է, որ հայերը շատ բախտավոր են, որ Ֆեյզիօղլուն իսկապես հայ չէ:
«Խոսքս հայ ընթերցողին, հայ բարեկամիս եմ ուղղում. այս մարդը կարող էր հայ էլ լինել: Ինչ բախտավոր եք»:
Ըստ նրա՝ Ֆեյզիօղլուի պես մարդկանց բարդ է բացատրել, որ «Բոլորս հայ ենք» կոչն իրականում կրում է «ցավը կիսելու գաղափարը», և դրա փոխարեն նույն մարդիկ կարող են վանկարկել «Բոլորս թուրք ենք, բոլորս քուրդ ենք, բոլորս մահմեդական ենք, բոլորս միասեռական ենք, բոլորս աթեիստ ենք», եթե վերոնշյալ խմբերի ներկայացուցիչների հանդեպ անօրինություններ տեսնեն:
Leave a Reply