Սիրիայում ծանր վիրավորված ահաբեկիչը Թուրքիայում է բուժօգնություն ստանում

«Հայաթ Թահրիր աշ–Շամ» ահաբեկչական կազմակերպության առաջնորդ Աբու Մուհամադ Ալ–Ջուլանին ծանր վիրավորվել է Իդլիբում տեղի ունեցած պայթյունի հետևանքով։

Ըստ աղբյուրի՝ Ալ-Ջուլանին գլխի ծանր վիրավորում է ստացել և տեղափոխվել Թուրքիայի սահմանամերձ Հաթայ նահանգի Անթաքիա շրջանի հիվանդանոցներից մեկը։  Ահաբեկչական կազմակերպության ղեկավարի առողջական վիճակը շարունակում է մնալ ծանր։

«Հայաթ Թահրիր աշ-Շամ» խմբավորումը ստեղծվել է «Ջեբհաթ ան-Նուսրա» ահաբեկչական կազմակերպության հիման վրա:

Հիշեցնենք, որ փետրվարի 18-ին Սիրիայի Իդլիբ նահանգում 15 մարդ էր զոհվել տեղի ունեցած պայթյունի հետևանքով: 70-ից ավելի մարդ էլ վիրավորվել էր։

Աղբյուր` Diken 

https://www.ermenihaber.am/am/news/2019/02/20/%D5%8D%D5%AB%D6%80%D5%AB%D5%A1-%D4%B9%D5%B8%D6%82%D6%80%D6%84%D5%AB%D5%A1/148385