Պոլսո հայոց պատրիարքարանը հաստատել է Վատիկանում Առաքելական եկեղեցու ներկայացուցիչ արք. Խաժակ Բարսամյանի, Մայր Աթոռի Աթոռի միջեկեղեցական հարաբերությունների բաժնի տնօրեն Շահե Անանյանի եւ Պոլսո հայոց փոխպատրիարք Արամ Աթեշյանի հանդիպումը Թուրքիայի ԱԳ նախարար Մեւլութ Չավուշօղլուի հետ։
Ինչպես տեղեկացնում է Ստամբուլի հայկական «Ակօս»-ը, պատրիարքարանի տարածած հայտարարության մեջ նշվել է, որ Թուրքիայի ԱԳ նախարարի հետ հանդիպմանը քննարկվել է Պոլսո հայոց պատրիարքի ընտրության հետ կապված խնդիրները։
«Մոտ մեկ ժամ տեւած անկեղծ երկխոսության ժամանակ պարոն նախարարը նշեց, որ հետամուտ է պատրիարքի ընտրության հետ կապված զարգացումներին՝ կոչ անելով լուծմանը հասնելու համար համբերատար լինել»,-նշվել է հայտարարության մեջ։
Leave a Reply