Ամերիկայի հայկական համագումարը կոչ է արել արագ հետաքննել Կալիֆոռնիայի հայկական դպրոցների նկատմամբ վանդալիզմի ակտը

Ամերիկայի հայկական համագումարը միջազգային հանրությանը կոչ է արել դատապարտել Լոս Անջելեսի երկու հայկական դպրոցի՝ Սրբոց Նահատակաց Ֆերահյան ազգային վարժարանի և ՀԲԸՄ Մանուկյան–Դեմիրճյան վարժարանի նկատմամբ ատելության դրսևորման հանցագործությունը:

«Կոչ ենք անում արագ հետաքննություն անցկացնել և պատժել չարագործներին: Մենք գնահատում ենք Կոնգրեսի անդամների աջակցությունը, որոնք կանգնել են հայ համայնքի կողքին», – ասվում է Ամերիկայի հայկական համագումարի հաղորդագրության մեջ:

Հիշեցնենք, որ այսօր՝ ավելի վաղ, Լոս Անջելեսի ոստիկանությունը հրապարակել է դպրոցների վրա թուրքական պետության դրոշները փակցնելու պահը ֆիքսած տեսանյութը:

https://www.tert.am/am/news/2019/01/31/American-assembly/2909364