Լոնդոնում կներկայացվի «Հրեշը լուսնի վրա» Հայոց ցեղասպանության թեմայով դրաման

Նորա Ոսպիկյան
(Լոնդոն)

Հաջորդ շաբաթ տեղի կունենա «Հրեշը լուսնի վրա» ներկայացման լոնդոնյան պրեմիերան։ Այս հռչակավոր գործը ներկայացնում է Հայոց ցեղասպանության հետևանքները։ Այն կցուցադրվի «Ֆինբորո» (Finborough) թատրոնում 2019 թ. հունվարի  29-ից փետրվարի 23-ը։

Դրամայում դեպքերը զարգանում են Միլուոքիում 1920 թ.։ Հայոց ցեղասպանությունը վերապրած Արամը  հավատում է, որ կկարողանա նոր կյանք սկսել  դեռահաս հարսնացուի՝ Սեդայի հետ։ Նրանք մի զույգ են, որոնց կապում է պատմությունը. երկուսն էլ Հայոց ցեղասպանությունը վերապրած մարդիկ են։ Սակայն նրանց զգացած ցավը թույլ չի տալիս ներդաշնակ կյանքով ապրել։ Արամը մշտապես ձգտում է ստեղծել մի ընտանիք, որը կփոխարինի իր նախորդ ընտանիքին, իսկ Սեդան, որն ընդամենը 15 տարեկան է, ձգտում է նոր կյանքով ապրել նոր երկրում։

Այս ներկայացումը վերջին անգամ բեմադրվել էր 1996 թ. Միացյալ Թագավորության «Battersea» արվեստի կենտրոնում, որտեղ մեծ հաջողություն էր գրանցել։ Ռիչարդ Կալինոսկու դրաման ներկայացնում է Արամի ու Սեդայի դժավարին ամուսնությունն ու  ցույց տալիս, թե ինչպես է հնարավոր ապրել, երբ մարդու ամբողջ ընտանիքը մահացել է»,- գրում է  “The Guardian” պարբերականը (Լոնդոն), իսկ «The London Times Online»-ը գրում է. «Անցյալի վարագույրը կարծես փակվում է, բայց հմուտ հեղինակը մեզ լարվածության մեջ է պահում, անորոշության` այն հարցում, թե հնարավո՞ր է արդյոք որևէ երջանիկ ավարտի հասնել»: Այդ դրամային անդրադարձել է նաև «The Independent»-ը, որը գրում է. «Մարդկային, ծիծաղաշարժ ու հուզիչ «Հրեշը լուսնի վրա» դրաման ներկայացնում է անցյալն ու ապագան` անաչառ ու հուզիչ»։

Բեմադրության հեղինակները ներկայացումից հետո կազմակերպելու են նաև քննարկումներ` Հայոց ցեղասպանության թեմայով։ Մասնակիցները կարող են միանալ  Արա Սարաֆյանի (Կոմիտասի անվան ինստիտուտ) Միսակ Օհանյանի (Հայկական տեղեկատվական ու խորհրդատվական կենտրոն) ու Սելլի Գիմսոնի հետ կայանալիք քննարկմանը։ Ավելի մանրամասն՝ finboroughtheatre.co.uk կայքում։

https://massispost.com/2019/01/london-features-riveting-play-beast-on-the-moon-on-the-armenian-genocide/

Անգլերենից թարգմանեց Անի Մելքոնյանը

Akunq.net