Թուրքիայի եւ ԱՄՆ նախագահներ Թայիփ Էրդողանն ու Դոնալդ Թրամփը հեռախոսազրույցի ընթացքում պայմանավորվել են արագացնել Սիրիայի հյուսիսարեւելյան շրջանում անվտանգության գոտու ստեղծման շուրջ բանակցությունները, ասվում է թուրք առաջնորդի աշխատակազմի հաղորդագրության մեջ, հաղորդում է «ՌԻԱ Նովոստին»:
«Այսօր մեր նախագահը հեռախոսազրույց է ունեցել ամերիկացի գործընկեր Դոնալդ Թրամփի հետ: Նախագահ Էրդողանը հայտարարել է Թուրքիայի պատրաստակամությունը՝ Մանբիջ տարածաշրջանում անվտանգության ապահովման համար հրատապ միջոցառումներ իրականացնել` թույլ չտալու համար Քրդական աշխատավորական կուսակցության ահաբեկիչներին ապակայունացնելու իրավիճակը», – ասված է հայտարարության մեջ։
Դրանում ասված է, որ «կողմերը պայմանավորվել են միջոցներ ձեռնարկել Սիրիայում ԻՊ մնացորդները ոչնչացնելու եւ դրա վերածնունդը կանխելու համար»:
«Առաջնորդները նաեւ համաձայնեցին արագացնել երկու երկրների գլխավոր շտաբերի պետերի նախաձեռնած բանակցությունները՝ Սիրիայում անվտանգության գոտի ստեղծելու հարցով», – ասվում է հայտարարության մեջ:
Նշվում է, որ Էրդողանը ցավակցություն է հայտնել Թրամփին` Մանբիջում տեղի ունեցած ահաբեկչության արդյունքում ամերիկացի զինծառայողների մահվան կապակցությամբ եւ հավելել, որ այդ սադրանքը նպատակ ունի ազդել ԱՄՆ նախագահի որոշման վրա, որպեսզի ամերիկյան զորքերը դուրս գան Սիրիայից:
Leave a Reply