Մալաթիայի և Խարբերդի հայերը նույնպես նշել են Սուրբ ծննդյան տոնը

Հաթայի հայկական եկեղեցու սպասավոր Ավետիս Թաբաշյանը, Կ.Պոլսո Հայոց պատրիարքարանից հոգևորական Թաթուլ Անուշյանը և ավագ քահանա Գևորգ Չընարյանը հունվարի 10-ին և 11-ին այցելել են Մալաթիա և Խարբերդ, որպեսզի այնտեղի հայության հետ նշեն Հիսուս Քրիստոսի Սուրբ ծննդյան տոնը: Այդ մասին, ըստ Akunq.net-ի, հաղորդում են թուրքական լրատվամիջոցները:

Աղբյուրի համաձայն` հոգևորականները նախ ժամանել են Խարբերդ (թուրք. անվանումը` Էլազըղ): Հաթայի հայկական եկեղեցու սպասավոր Ավետիս Թաբաշյանը մեկ առ մեկ այցելել է այստեղի հայերին և օրհնել նրանց տները:

Հաջորդ օրը` առավոտյան ժամերին, Ավետիս Թաբաշյանը գնացել է հայկական գերեզմանոց և աղոթել հանգուցյալների հոգիների խաղաղության համար:

Իսկ Մալաթիայի Սուրբ Հարություն եկեղեցում մատուցված պատարագին մասնակցել են նաև Խարբերդից ժամանած հայերը: Պատարագի վերջում իրականացվել է ջրօրհնեքի արարողություն:

http://haber.sat7turk.com/malatya-ve-elazigdaki-ermeni-topluluklari-noel-ve-vaftiz-bayraminda-bulustu/

Թարգմանեց Մելինե Անումյանը

Akunq.net