Վանը, Կարսն ու Համշենը համարվել են Թուրքիայի ձմեռային զբոսաշրջային ամենակարևոր ուղղությունները

Թուրքիայում ձմեռային զբոսաշրջության ամենակարևոր ուղղությունների շարքը գլխավորել է Վանի Աղթամար կղզին` իր հայկական Սուրբ Խաչ եկեղեցով:

Թուրքական Mynet.com կայքի կազմած վարկանիշային ցուցակում զբոսաշրջիկներին խորհուրդ է տրվել անպայման այցելել Աղթամար՝ նշելով, որ կղզում զբոսնելիս այցելուները կարող են զարմանալ տեղի գեղեցկությամբ ու պատմական մասունքներով:

«Աղթամարի Սուրբ Խաչ եկեղեցին միջնադարյան հայկական ճարտարապետության լավագույն օրինակներից է», – գրում են նյութի հեղինակները՝ շեշտելով, որ ձմեռը ձյան ծածկի տակ արտառոց գեղեցիկ է նաև Վանի Արտոս լեռը:
Նույն վարկանիշային ցուցակի երկրորդ տեղն է զբաղեցրել պատմական Համշենը, ավելի հստակ՝ Թուրքիայի Ռիզե նահանգի Չամլըհեմշին շրջանում գտնվող Այդեր հովիտը, որտեղ Քաջքար լեռների ստորոտին բնակվող համշենցիները հյուրընկալում են բազմաթիվ զբոսաշրջիկների:

https://www.tert.am/am/news/2019/01/08/van-kars-hamshen/2889774