Մինչ քրիստոնյա աշխարհի մի մասը տոնում է Սուրբ Ծնունդը, մյուս մասն էլ պատրաստվում է սուրբծննդյան տոնակատարությանը, ամերիկյան The Hill հեղինակավոր պարբերականի սյունակագիրներից մեկն անդրադարձել է ողջ աշխարհում և հատկապես Միջին Արևելքում քրիստոնյա ժողովուրդների շարունակական տառապանքներին:
«Երբ քրիստոնյաներն աշխարհի տարբեր երկրներում տոնում են Փրկչի ծնունդը, և մենք եկեղեցիներում լսում ենք Սուրբ ընտանիքի պատմությունը, որը, բնակվելով Միջին Արևելքում և լինելով կրոնական փոքրամասնություն Հռոմեական կայսրությունում, Քրիստոսի ծնունդից հետո գաղթել է Եգիպտոս՝ դառնալով քաղաքական փախստական», – նշում է հոդվածագիրը:
Վերջինս ընդգծում է, որ այսօր էլ՝ երկու հազար տարի անց, քրիստոնեական համայնքները Միջին Արևելքում ապրում են բռնության, լարվածության և հալածանքների ժամանակաշրջան: Նրանցից շատերը ստիպված են եղել գաղթել իրենց տներից և երկրից:
Հոդվածի հեղինակն անդրադառնում է նաև Հայոց ցեղասպանությանը՝ նկատելով, որ այն դեռևս ճանաչված չէ ԱՄՆ-ի կողմից:
Leave a Reply