Պատրաստ է «Թուրքիայի Հանրապետության պատմություն» բուհական դասագրքի երկրորդ հրատարակությունը

Արդեն պատրաստ է «Թուրքիայի Հանրապետության պատմություն» բուհական դասագրքի երկրորդ, լրամշակված հրատարակությունը, որն իրականացվել է տարբեր սերունդների թուրքագետների համատեղ ջանքերով, տեղեկանում ենք ԵՊՀ արևելագիտության ֆակուլտետի դեկան Ռուբեն Մելքոնյանից։

«Հաջորդ տարվա սկզբին տեղի կունենա դասագրքի շնորհանդեսը, և տպաքանակի որոշակի հատված անվճար կհատկացվի ԵՊՀ արևելագիտության ֆակուլտետի ուսանողներին, ինչպես նաև` մասնագիտական շրջանակներին:

Շնորհավորում եմ հեղինակային խմբին և շնորհակալություն հայտնում բարերարներին, ովքեր շարունակաբար աջակցում են թուրքագիտության ոլորտում բուհական դասագրքերի հրատարակման աշխատանքներին: Որակյալ հայալեզու բուհական դասագրքերի ստեղծումը համարում եմ մեր առաջնահերթություններից մեկը», – տեղեկացնում է Ռուբեն Մելքոնյանը։

Դասագրքում ներկայացված է Թուրքիայի պատմությունը 1918-ից մինչև 2018 թթ.:

Aysor.am