Թուրքիայում ամբարտակի դարպասի փլուզումը երևան է հանել ջրի տակ թաղված հնագույն գյուղի ավերակները

Թուրքիայի Դիարբեքիր նահանգի Էյիլ շրջանում ամբարտակի դարպասի փլուզումից հետո հին գյուղի ավերակներ են երևացել, գրում է Daily Mail-ը:

1997թ. կառուցված ամբարտակը 930 հազար բնակիչ ունեցող Դիարբեքիր քաղաքին խմելու ջուր է ապահովում: Անցած շաբաթ հորդառատ անձրևների պատճառով ամբարտակի դարպասներից մեկը փլուզվել է, ինչի արդյունքում ջրի մակարդակն իջել է՝ երևան հանելով հնագույն գյուղի ավերակները՝ պատմական մզկիթը, գերեզմանատունը, սրբավայրը: Գյուղը տասնամյակներ շարունակ թաղված է մնացել ջրի տակ:

Ջրի տակ անցած օբյեկտների թվում է նաև Եղիա մարգարեի գերեզմանը: Ամբարտակի կառուցումից առաջ՝ 1995թ. սեպտեմբերին, մարգարեի աճյունը հանվել և տեղափոխվել է Քալե թաղամասում կառուցված գերեզման:

https://www.tert.am/am/news/2018/12/21/village/2877805