Արաբական պետությունների լիգան դատապարտել է քրդերի դեմ Թուրքիայի գործողությունները

Արաբական պետությունների լիգան (ԱՊԼ) դատապարտել է նախորդ շաբաթ Թուրքիայի զինված ուժերի գործողությունները Հյուսիսային Իրաքի Սինջար շրջանում, որի ժամանակ հրթիռակոծվել էին Քուրդիստանի բանվորական կուսակցության (ՔԲԿ-PKK) զինյալները։

Թեմայի շուրջ հայտարարությամբ է հանդես եկել ԱՊԼ-ի խոսնակ Մահմուդ Աֆիֆին:

«Նմանատիպ գործողությունները ոչ այլ ինչ են, քան` հարձակում Իրաքի անկախության դեմ»։

Աղբյուրը տեղեկացնում է, որ նախորդ շաբաթ Թուրքիայի զինված ուժերին պատկանող 20 կործանիչ հրթիռակոծել էր Հյուսիսային Իրաքի Սինջար շրջանում քուրդ զինյալների դիրքերը:

Այդ առիթով նույնիսկ Թուրքիայի դեսպանն Իրաքում հրավիրվել էր արտգործնախարարություն:

Աղբյուր` Haber7

Ermenihaber.am