Դերսիմահայերը Ստամբուլում նշել են Կաղանդը` հայկական Նոր տարին

Ստամբուլում գործող Դերսիմի ուսումնասիրությունների կենտրոնի` Թաքսիմ հրապարակում գտնվող շենքում կենտրոնի անդամների կողմից կազմակերպվել է Կաղանդին նվիրված տոնակատարություն: Այդ մասին, ըստ Akunq.net-ի, հայտնում է Pirha.net կայքէջը:

Աղբյուրի փոխանցմամբ տոնակատարության շրջանակներում համտեսվել է Դերսիմի Բերդակ գավառի ջրացաղում աղացած 150 տարվա ցորենի այլուրով պատրաստված մի ճաշատեսակ:

Տոնակատարության ընթացքում ելույթ է ունեցել կազմակերպության անդամ Սոնգյուլ Յալչընը, ով մասնավորապես նշել է. «Մենք` դերսիմցիներս, այստեղ նշում ենք Կաղանդը, որը նշանակում է հրաժեշտ տալ նախորդ տարվան և Նոր տարին դիմավորել երջանիկ, առողջ և խաղաղ հոգով»:

Ելույթ է ունեցել նաև արվեստի գործիչ Դողան Չելիքը, ով ասել է. «Դերսիմում Կաղանդը նշանակում է իրավունք և ճշմարտություն, քանզի Ամանորին ընկերներն ու հարևաններն այցելում են միմյանց»:

https://www.pirha.net/istanbul-damda-gagand-kutlandi-150588.html/15/12/2018/?fbclid=IwAR3V40Wbcaw1sGsHyRAtk3uS3ThgWEMH4Ha20jcIzH5auK-laomFl-Ff1A4 

Թարգմանեց Մելինե Անումյանը

Akunq.net