Թուրքիայում գործազրկության մակարդակը սեպտեմբերին հասել է 11․4 տոկոսի

2018 թ․ սեպտեմբերին Թուրքիայում գործազրկության մակարդակը, նախորդ տարվա նույն ամսվա համեմատ, աճել է 0․8 տոկոսով՝ հասնելով 11․4 տոկոսի։ Իսկ 2018 թ․ հոկտեմբերի համեմատ` գործազրկության մակարդակն աճել է 0․3 տոկոսով։

Գործազուրկների թիվը 2018 թ․ սեպտեմբերին աճել է 330․000-ով ՝ կազմելով 3 մլն 749․000։ Այս մասին հայտնի է դարձել Թուրքիայի վիճակագրական ընկերության հրապարակած տվյալներից։

Սեպտեմբերի դրությամբ 15-24 տարեկանների շրջանում գործազրկության մակարդակն աճել է 1․6 տոկոսով՝ հասնելով 21․6 տոկոսի։ Իսկ 15-64 տարիքային խմբում այս ցուցանիշը աճել է 0․9 տոկոսով՝ հասնելով 11․7 տոկոսի։

Նշված ժամանակահատվածում աշխատողների թիվը, նախորդ տարվա նույն ամսվա համեմատ, ավելացել է 266․000-ով՝ կազմելով 29 մլն 63․000։ Նրանց 19․2 տոկոսը աշխատում է գյուղատնտեսության, 19․6 տոկոսը՝ արդյունաբերության, 6․9 տոկոսը՝ շինարարության, 54․3 տոկոսը՝ սպասարկման ոլորտում։

Հավելենք, որ 2016-2017 թթ․ Թուրքիայում գործազրկության մակարդակը կազմել էր 10․9 տոկոս, 2015 թ․՝ 10․3, 2014 թ․՝ 9․9 , 2013 թ․՝ 9․0, 2012թ․՝ 8․4 տոկոս։

Աղբյուր`    Anadolu Ajansı

Ermenihaber.am