Քեմալականները հնարավոր է ՏԻՄ ընտրություններում դաշինք կազմեն ազգայնականների հետ

Թուրքիայի գլխավոր ընդդիմադիր Ժողովրդահանրապետական կուսակցության (CHP-ԺՀԿ) նախագահ Քեմալ Քըլըչդարօղլուն խոսել է երկրում 2-րդ ազգայնական կուսակցությունը համարվող Լավ կուսակցության (İP-ԼԿ) հետ նախընտրական դաշինք կազմելու վերաբերյալ բանակցություններից:

Քըլըչդարօղլուն հայտնել է, որ բանակցությունները շարունակվում են: Հույս է հայտնել, որ դրանք լավ արդյունքներ կունենան, և բանակցությունների հաջող ավարտը բարեբեր կլինի երկրի համար:

Հիշեցնենք, որ 2019-ի մարտի 31-ին Թուրքիայում տեղի ունենալիք տեղական ինքնակառավարման մարմինների (ՏԻՄ) ընտրություններին դաշինքով մասնակցելու շուրջ բանակցություններ են վարում և արդեն նախնական պայմանավորվածության են եկել նաև նախագահ Ռեջեփ Թայիփ Էրդողանի գլխավորած իշխանական Արդարություն և զարգացում և Ազգայնական շարժում կուսակցությունները:

Աղբյուր` NTV

Ermenihaber.am