Թուրքիայի Անթալիա քաղաքում արգելել են «Լոկ բռնապետ» խորագրով թատերական ներկայացման բեմադրումը: Բեմադրությունը, նախօրոք ձեռք բերված պայմանավորվածության համաձայն, պետք է տեղի ունենար Անթալիայի մշակույթի կենտրոններից մեկում: Ներկայացումը, որում խաղում է Հաթայ նահանգից պատգամավոր ընտրված Բարըշ Աթայը, մի քանի անգամ արգելվել էր 2016-ի հուլիսի հեղաշրջման փորձից հետո երկրում հայտարարված արտակարգ դրության պատճառով:
Արտակարգ դրության ընթացքում ներկայացումն արգելվում էր՝ որպես պատճառաբանություն նշվելով, որ այն կարող է բացասական ազդեցություն ունենալ հասարակական կարգի և անվտանգության վրա:
«Լոկ բռնապետ» ներկայացումը մոնոլոգ է, որում խաղացող ընդամենը մեկ դերասանը անանուն բռնապետի է մարմնավորում:
Leave a Reply