Թուրքիան պետք է ընտրություն կատարի Ռուսաստանի և Արևմուտքի միջև: Այս մասին հայտարարել է ԱՄՆ սենատի հանձնաժողովի նոր ղեկավար սենատոր Ջեյմս Ինհոֆը, որն այս պաշտոնում փոխարինում է Ջոն Մաքքեյնին, հաղորդում է Bloomberg-ը:
«F-35 ծրագրում մնալու համար Թուրքիան պետք է հրաժարվի ռուսական С-400 համակարգերի գնումից»,-հայտարարել է Ինհոֆը՝ մեկնաբանելով վերջերս ԱՄՆ կոնգրեսի համար Պենտագոնի կողմից ներկայացված զեկույցը:
Նա նաև հավելել է, որ Թուրքիան շատ կարևոր գործընկեր է ԱՄՆ-ի համար ՆԱՏՕ-ի հարցերով, սակայն պետք է համապատասխանի այդ կարգավիճակին: «Թուրքիան պետք է ընտրություն կատարի Ռուսաստանի և Արևմուտքի միջև: Եթե շարունակի С-400-ի գնման գործընթացը, ապա հետևանքները երկար չեն սպասեցնի»,-ընդգծել է սենատորը:
Հրատարակչությունը նաև հղում է կատարում Teal Group հետազոտական ընկերության ռազմական փորձագետ Սթիվետ Զալոգայի կարծիքին, որը համարում է, որ ԱՄՆ-ն և ՆԱՏՕ-ն ունեն մտավախություն, որ С-400-ի գնման հետ մեկտեղ` Թուրքիա կժամանեն նաև ռուսական ռազմական մասնագետները:
«Կա անհանգստություն, որ թուրքերը թույլ կտան ռուսական մասնագետներին փորձարկել С-400-ի ռադարներն ընդդեմ թուրքական F-35-ի ամերիկյան կործանիչի հակառադարային հատկությունները կասեցնելու նպատակով»,-բացատրել է Զալոգան:
Թուրքիային ЗРК С-400 մատակարարելու վարկային պայմանագիրը ստորագրվել էր 2017 թ. դեկտեմբերին Անկարայում: Այդ գործարքի մի մասը Թուրքիան կմարի ինքնուրույն, իսկ մնացածը՝ Ռուսաստանի տրամադրած վարկի միջոցներով:
Leave a Reply