Հայկ Գաբրիելյանը Արևմտահայոց հարցերի ուսումնասիրության կենտրոնում հանդես կգա դասախոսությամբ` «Եփրատն ու Տիգրիսը՝ որպես Թուրքիայի ջրային իմպերիալիզմի կարկառուն գործիքներ` ընդդեմ քրդական շարժումների» թեմայով

Սույն թվականի դեկտեմբերի 5-ին, ժամը 14:30-ին Արևմտահայոց հարցերի ուսումնասիրության կենտրոնում տեղի կունենա սեմինար` «Եփրատն ու Տիգրիսը՝ որպես Թուրքիայի ջրային իմպերիալիզմի կարկառուն գործիքներ` ընդդեմ քրդական շարժումների» թեմայով: Բանախոսը կլինի Գերմանիայի Յենա քաղաքի Ֆրիդրիխ Շիլլերի անվան համալսարանի Քաղաքագիտության ինստիտուտի ասպիրանտ, թուրքագետ Հայկ Գաբրիելյանը:

Բանախոսի մասին

Հայկ Գաբրիելյանը Միջազգային և անվտանգության հարցերի հայկական ինստիտուտի (ՄԱՀՀԻ) Քաղաքական զարգացումներ և անվտանգություն ծրագրի ասոցացված փորձագետ է: Հ. Գաբրիելյանը թուրքագիտության մագիստրոսի կոչում ունի, հեղինակել է 200-ից ավելի գիտական և վերլուծական հոդվածներ, որոնք վերաբերում են Թուրքիայի արտաքին, ներքին, էներգետիկ և ռազմական քաղաքականություններին: Նա անհատապես համագործակցում է նաև այլ հետազոտական հաստատությունների և ամսագրերի հետ, ինչպիսիք են՝ Միջին Արևելքի ինստիտուտը, Նորավանք հիմնադրամը, Ռազմավարական և ազգային հետազոտությունների հայկական կենտրոնը, Անալիտիկոն ամսագիրը, Տարածաշրջանային հարցերի ամսագիրը և այլք: Գերմանիայի Յենա քաղաքի Ֆրիդրիխ Շիլլերի անվան համալսարանի Քաղաքագիտության ինստիտուտում նրա դոկտորական ուսումնասիրության թեման է` «Թուրքիայի ջրային քաղաքականությունը` որպես քաղաքական ռազմավարության մաս»:

Մուտքն ազատ է: Սիրով հրավիրում ենք բոլոր ցանկացողներին:

Ամսաթիվ` 2018 թ. դեկտեմբերի 5, ժամը` 14:30:

Հասցե` ՀՅԴ Արամ Մանուկյանի անվան երիտասարդական կենտրոն, Գյուլբենկյան 38 (HSBC բանկի հարևանությամբ), 5-րդ հարկ:

Akunq.net