2018 թ. 10 ամսվա ընթացքում Թուրքիայում 329 կին է սպանվել։ Այս մասին տեղեկացրել է Բուրսայի Կանանց հարթակի խոսնակ Ֆիլիզ Թալինը։ Նա ընդգծել է, որ կանանց դեմ ուղղված բռնությունները, բռնաբարություններն ու սպանությունները տարեցտարի ավելի հաճախակի են դառնում։ Վերջին 14 տարիների ընթացքում կանանց դեմ ուղղված հանցագործությունները երկրում ավելացել են 4 անգամ։
Բուրսայի կանաց հարթակը կանանց դեմ ուղղված հանցագործությունների դեմ պայքարի միջազգային օրվա կապակցությամբ նոյեմբերի 25-ին քայլերթ կկազմակերպի։
«Այս տարի 8 ամսվա ընթացքում առնվազն 870 կին բռնության է ենթարկվել, 342 կին բռնաբարվել է։ Կանանց դեմ ուղղված հանցագործությունները 14 տարում 4 անգամ ավելացել են։ Կանանց 36․4 տոկոսը բռնության պատճառով ամուսնալուծվում է։ Գործազուրկ կանանց թիվը տարեցտարի ավելանում է։ Կանայք տղամարդկանց համեմատ 17․8 տոկոսով ավելի ցածր աշխատավարձ են ստանում», – նշել է խոսնակը՝ հավելելով, որ միայն հոկտեմբերին Բուրսայում 3 կին է սպանվել տղամարդկանց կողմից։
Աղբյուր` Yenicaggazetesi.com.tr
Ermenihaber.am
Leave a Reply