Հայաստանի կենտրոնական բանկի կողմից նոր թողարկված թղթադրամներից 5000-անոցի վրա հայտնի հայ գրող Վիլիամ Սարոյանի նկարի հայտնվելուն անդրադարձել է թուրքական ընդդիմադիր Sözcü պարբերականը։
Sözcü-ն գրել է. «Հայկական 5000 դրամանոցի թուղթը եւ ձեւավորումը փոխվել է։ Իսկ դրամի վրա հայտնվել է Բիթլիսից ԱՄՆ գաղթած հայ գրող Վիլիամ Սարոյանի նկարը։ Սարոյանի հետ մեկտեղ, դրամների վրա են գտնվում շախմատիստ Տիգրան Պետրոսյանի, Կոմիտասի, Այվազովսկու նկարները»։ Թուրքական պարբերականը նաեւ ներկայացրել է Սարոյանի նվաճումները գրականության ոլորտում։
Նշենք, որ ոչ թե Վիլիամ Սարոյանն է ծնվել Բիթլիսում, այլ` նրա հայրը։ Սարոյանը ծնվել է ԱՄՆ–ում։ 1960–ականներին Սարոյանը կարողացել է մեկնել Բիթլիս, տեսնել ավերված հայրական տունը։
Leave a Reply