Թուրքիայի արդարադատության նախարար Աբդուլհամիթ Գյուլն անդրադարձել է օրերս Մարդու իրավունքների եվրոպական դատարանի (ՄԻԵԴ) ընդունած որոշմանը, որով պահանջվում է վերացնել քաղաքական գործիչ Սելահաթթին Դեմիրթաշի բանտային կալանքը:
Լրագրողների հետ զրույցում նախարարը նշել է, որ ճիշտ չի լինի խոսել այդ մասին, այդ հարցով վճիռ կկայացնի համապատասխան դատական ատյանը: Իսկ եվրադատարանի որոշումը, թե ինչ արդյունք կտա կամ ինչ փոփոխություն կբերի Դեմիրթաշի քրգործի մեջ, նախարարը դարձյալ խուսափողական պատասխան է տվել՝ ասելով` դատավճիռը կլինի, կտեսնենք:
Հիշեցնենք, որ ընդդիմադիր քրդամետ կուսակցության նախկին համանախագահ Դեմիրթաշը մեղադրվում է մի շարք քրեական հոդվածներով, այդ թվում և Թուրքիայում ահաբեկչական համարվող Քուրդիստանի բանվորական կուսակցության (ՔԲԿ-PKK) օգտին քարոզչոթյուն անելու մեջ:
Աղբյուր` Ahaber.com.tr
Ermenihaber.am
Leave a Reply