Ինչո՞ւ եք հրաժարվում ասել, որ Ստամբուլի գեղեցիկ պալատները հայերն են կառուցել. Փայլանը՝ թուրք նախարարին

Թուրքիայի խորհրդարանի հայ պատգամավոր Կարո Փայլանը մեջլիսում տուրիզմի եւ մշակույթի նախարարության բյուջեի քննարկումների ժամանակ ելույթով է հանդես եկել։

Ինչպես տեղեկանում ենք Ժողովուրդների դեմոկրատական կուսակցության պաշտոնական էջից, Կարո Փայլանը պատմել է, որ դպրոցական ժամանակ, երբ էքսկուրսիա էի մասնակցել Դոլմաբահչե պալատում, էքսկուրսավարը նշել էր, թե պալատը կառուցել է իտալացի ճարտարապետ։ «Այնուհետ ես դպրոցում տեղեկացա, որ Դոլմաբահչե պալատը հայ հայտնի ճարտարապետ Կարապետ Պալյանն է կառուցել։ Ստամբուլի շատ վայրերում Պալյանների կառուցած գեղեցիկ շենքեր կան։ Ինչո՞ւ եք հրաժարվում նշել, ո դրանք հայ է կառուցել»,–նշել է Կարո Փայլանը։

Նշենք, որ 19–րդ դարի երկրորդ եկսերին Կարապետ Պալյանի կողմից կառուցված Դոլմաբահչե պալատը հանդիսանում է Եվրոպայի գեղեցիկ պալատներից մեկը։

https://news.am/arm/news/482052.html