Թուրքիայում ընդդիմադիր «Բիրգյուն» թերթին դատի են տվել Էրդողանին վիրավորելու համար

Թուրքական ընդդիմադիր «Բիրգյուն» պարբերականին դատի են տվել նախագահ Ռեջեփ Թայիփ Էրդողանին վիրավորելու համար:

Այս մասին, «Արմենպրես»–ի փոխանցմամբ, հայտնում է թուրքական Diken պարբերականը:

Թերթին դատի են տվել մի հոդվածի համար, որում Էրդողանի անունը հիշատակված է ընդամենը մեկ նախադասության մեջ:

Մասնավորապես նշվել է, որ ֆինանսների նախարարության նորանշանակ պաշտոնյաներից Ահմեդ Մինդերը Էրդողանի ազգականն է, և որ նա իր դստերն ամուսնացրել է Թուրքիայի ներքին գործերի նախարար Սուլեյման Սոյլուի որդու հետ:

Թերթում տեղ գտած հոդվածը վերաբերում է Էրդողանի փեսա, Թուրքիայի ֆինանսների նախարար Բերաթ Ալբայրաքի՝ նախարարությունում արած նոր նշանակումներին:

Թուրքիայում 2017 թ. քրեական օրենսգրքի երկրի նախագահին կամ «թրքությունը» վիրավորելու համար պատիժ նախատեսող հոդվածով քննվել է 46 հազար 193 դատական գործ: Այս ամենից հետո Լրագրողների պաշտպանության միջազգային կոմիտեն Էրդողանին «շնորհել էր ամենանեղացկոտ առաջնորդի կոչումը»:

https://armenpress.am/arm/news/953477.html