Կեանքէն հեռացաւ Հայոց Ցեղասպանութիւնը վերապրած գանատահայ Սիրվարդ Քուրտեան

Թորոնթոյի բնակչուհի Հայոց Ցեղասպանութիւնը վերապրած Սիրվարդ Քուրտեան կեանքէն հեռացաւ 106 տարեկանին:

Սիրվարդ Քուրտեան ծնած է Ցեղասպանութիւնը սկսելէն երեք տարի առաջ: Ան ստիպուած եղած է իր մօր, եղբայրներուն եւ քոյրերուն հետ Էրզրումէն հասնիլ Թուրքիոյ արեւելքը, այնուհետեւ Մոսուլ քաղաքը: Ճանապարհորդութիւնը տեւած է 6 ամիս: Սիրվարդի հայրը սպաննուած է 1915ին, թուրքերու կողմէ:

Մոսուլ հասնելէ որոշ ատեն ետք, անոնք կը տեղափոխուին Հալէպ:

Asbarez.com