Էրդողանը սպառնացել է, որ թուրքական զինված ուժերը կարող են անսպասելի հայտնվել սիրիական Մանբիջում

Թուրքիայի նախագահ Ռեջեփ Թայիփ Էրդողանը հայտարարել է, որ թուրքական զինված ուժերը կարող են մի օր անսպասելի հայտնվել սիրիական Մանբիջում: Այս մասին, ինչպես հաղորդում է «Արմենպրես»-ը, հայտնում են թուրքական ԶԼՄ-ները:

«Մի գիշեր շատ անսպասելի կարող ենք հայտնվել»,- հայտարարել է Թուրքիայի նախագահը:

Էրդողանը հայտնել է նաև, որ Մանբիջի հետ կապված ծրագիրն արդեն քննարկված և հստակեցված է, և իրենք մոտ ապագայում կարող են գործողությունների անցնել:

Նախորդ շաբաթ թուրքական ԶՈՒ-ն առաջին անգամ գնդակոծել է սիրիական Մանբիջում գտնվող քրդական դիրքերը:

Էրդողանի խոսնակ Իլնուր Չևիկը հայտարարել է, որ Էրդողանի հայտարարությունը զգուշացում է:  Ըստ Էրդողանի խոսնակի՝ դա ԱՄՆ-ին ուղղված «բարեկամական ուղերձ» է, որը չի ստիպում քրդերին դուրս գալ այդ տարածքներից:

Թուրքիայի նախագահի խոսնակը նշել է նաև, որ Թուրքիան նման զգուշացում նախկինում արել է նաև սիրիական Աֆրինի պարագայում և անցել հստակ գործողությունների: Նա նշել է նաև, որ հիմա հերթը հասել է Եփրատի արևելյան ափին ու սիրիական Մանբիջին:

https://armenpress.am/arm/news/952741.html 

Leave a Reply

Your email address will not be published. Required fields are marked *

Վերջին Յաւելումներ

Հետեւեցէ՛ք մեզի

Օրացոյց

October 2018
M T W T F S S
1234567
891011121314
15161718192021
22232425262728
293031  

Արխիւ