Թուրքական բանակը 14-րդն է աշխարհում՝ ըստ զինվորների թվի

Թուրքական մամուլում հրապարակվել է այն 50 երկրի ցանկը, որոնց բանակներում ամենից շատ ակտիվ զինվորներ են ներգրավված։

Ցանկի առաջին տեղում Չինաստանն է, որն ունի 2 մլն 260․000 զինվոր։ Երկրորդ տեղում ԱՄՆ-ն է (1 մլն 673․650), երրորդում՝ Հնդկաստանը (1 մլն 362․500 զինվոր):

Լավագույն տասնյակում տեղ են գտել նաև Հյուսիսային Կորեան՝ 945․000, Ռուսաստանը՝ 798․527, Պակիստանը՝ 637․500, Հարավային Կորեան՝ 627․500, Իրանը՝ 534․000, Ալժիրը՝ 520․000 և Եգիպտոսը՝ 454․250 զինվորով։

Թուրքիան այս ցանկում 14-րդ հորիզոնականում է․ թուրքական բանակն ունի 382․850 զինվոր։

Ամենաշատ զինվոր ունեցող 50 երկրի ցանկում Հայաստանը, Վրանստանն ու Ադրբեջանը տեղ չեն գտել։

Ցանկի վերջին հորիզոնականները զբաղեցրել են Նեպալը, Լիբանանը և Պերուն, որոնք ունեն համապատասխանաբար 95․000, 96․000 և 100․830 զինվոր։

http://ankakh.com/article/106507/thurqakan-banake-14-rdn-e-ashkharhum%D5%9D-est-zinvvornyeri-thvi