Թուրքիայի հայկական գերեզմանոցներից մեկում պատարագ է մատուցվել

Սեբաստիա (թուրքական անվանումը` Սվաս) նահանգի Զարա գավառում գտնվող հայկական գերեզմանոցում պատարագ է մատուցվել: Պատարագին մասնակցել են Ստամբուլից այդ նպատակով Զարա ժամանած 35 հայեր: Այդ մասին, ըստ Akunq.net-ի, հաղորդում են թուրքական լրատվամիջոցները:

Աղբյուրի փոխանցմամբ` Զարայի կենտրոնական գերեզմանոցի կողքին գտնվող հայկական գերեզմանատանը պատարագ է մատուցվել հոգևորականներից Հայր Զոհրապ Ջիվանյանի ձեռամբ: Պատարագից հետո ելույթ ունեցած Զոհրապ Ջիվանյանը մասնավորապես նշել է. «Զարայի տեղական իշխանությունների և գործարար Ֆեթհի Արասի աջակցությամբ` հնարավորություն ունեցանք Զարա այցելել և աղոթել մեր նախնիների հոգիների համար»:

Զարացի հայերից բաղկացած խումբն արարողությունից հետո այցելել է նաև Շերեֆիյե գյուղի տեսարժան վայրեր:

http://beyazgazete.com/video/webtv/yasam-11/ermeni-mezarliginda-ayin-sivas-614635.html

Թարգմանեց Մելինե Անումյանը

Akunq.net