Ֆևքանի եկեղեցին ավերակի է վերածվել

Հայկական եկեղեցին, որտեղ  2011 թ. Վաքըֆների շրջանային տնօրինության կողմից վերականգնման աշխատանքներ էին կատարվում, անուշադրության մատնվելու պատճառով քանդվում է։

Հայերի տեղահանությունից (Հայոց ցեղասպանություն- Ակունք խմբ.) հետո անտեր մնացած Ֆևքանի եկեղեցին ավերվել ու վերածվել է խաղահրապարակի։

Այնթափի Նիզիփ գավառակի Շըհլար թաղամասում գտնվող Ֆևքանի եկեղեցին, որը ենթադրաբար կառուցվել է 7-րդ դարում բյուզանդական ժամանակաշրջանում, թողնվել է բախտի քմահաճույքին։ Եկեղեցին, որում 2011 թ. Վաքըֆների շրջանային տնօրինության կողմից վերանորոգման աշխատանքներ էին կատարվում, անուշադրության մատնվելու պատճառով քանդվում է։ Եկեղեցու պատերին կան ներկերով արված գրություններ, ապակիները ջարդված են, իսկ տանիքին էլ սկսել են խոտեր աճել։ Վերակառուցումից հետո բախտի քմահաճույքին թողնված եկեղեցին կրկին նախկին ավերակ վիճակում է։

Ենթադրվում է, որ եկեղեցին օգտագործել են Նիզիփում ապրող հայերը, իսկ տեղահանությունից հետո (Հայոց ցեղասպանություն-Ակունք խմբ.) այն չի գործել։ Հայերի տեղահանությունից հետո անտեր մնացած եկեղեցին կանգուն է մնացել ու հասել մինչև մեր օրերը։ Եկեղեցու բակը խաղահրապարակ է դարձել Նիզիփ եկած և այստեղ բնակություն հաստատած սիրրացի երեխաների համար։

Եկեղեցին կրկին անտեր է մնացել

Այնթափի վաքըֆների շրջանային տնօրինության կողմից 2011 թ. ընթացքում կատարված վերանորոգման աշխատանքներից հետո Նիզիփի գավառապետարանը եկեղեցին հանձնվել է Գյուղերին ծառայություններ մատուցող կազմակերպությանը, իսկ ավելի ուշ` Նիզիփի հաշմանդամների միությանը։ Եկեղեցու շենքն այդ միությանն էր հանձնվել, որ ակտիվորեն գործեր, սակայն միության կողմից մի կարճ ժամանակահատված օգտգործվելուց հետո այն կրկին մնացել է անտեր։

Ենթադրվում է, որ եկեղեցին կառուցվել է 6-րդ կամ 7-րդ դարում` բյուզանդական ժամանակաշրջանում։ Խճաքարով կառուցված  ու քառանկյուն նախագծով եկեղեցու կիսակլոր խորանը դեպի դուրս է ցցված։ Եկեղեցու վերաբերյալ արձանագրություն չի հայտնաբերվել, ու չնայած եկեղեցու կառուցման  հստակ թվականը չկա, այնուամենայնիվ՝ համարվում է, որ այն ավելի հին է, քան Վանի Աղթամար թերակղզում գտնվող Սուրբ Խաչ եկեղեցին։ Եկեղեցու ներսում եղած զարդաքանդակներն ու սրբապատկերները ներկայում անհետացել են։

Աղբյուրը՝ «Մեզոպոտամիա» լրատվական գործակալություն

https://www.demokrathaber.org/guncel/fevkani-kilisesi-harabeye-dondu-h108919.html

Թարգմանեց Անի Մելքոնյանը

Akunq.net