Թուրքիայում պաշտոնից ազատվում են քրդամետ կուսակցության գյուղապետները

Թուրքիայի հարավարևելյան Հաքքարի նահանգի Յուքսեքովա շրջանում պաշտոնից ազատվել է 31 գյուղի գյուղապետ։

Աղբյուրը նշում է, որ գյուղապետերին այդ պաշտոններից ազատելը պատահականություն չէ՝ ավելացնելով, որ Թուրքիայում հունիսի 24-ին կայացած արտահերթ խորհրդարանական ընտրությունների ընթացքում այդ գյուղերում Թուրքիայի քրդամետ Ժողովուրդների դեմոկրատական կուսակցությունը (HDP) ստացել է 90 տոկոս ձայն։

Յուքսեքովայում կա 62 գյուղական համայնք, որից ուղիղ կեսի գյուղապետերը, մեկ օրում փոխվել են:

Որպես գյուղապետերին աշխատանքից ազատելու պատճառ` առաջ է քաշվել այն, որ «նրանք կապ ունեն ահաբեկչության հետ և իրականացրել են իրենց պաշտոնի հետ չառնչվող գործողություններ»։

Որպես ահաբեկչական կազմակերպություն նկատի է առնվում Քուրդիստանի բանվորական կուսակցությանը (ՔԲԿ-PKK), որի զինյալների հետ թուրքական անվտանգության ուժերի բախումները որոշ ընդմիջումներով շարունակվում են 1984 թվականից մինչ այսօր:

Աղբյուր` Demokrathaber

Ermenihaber.am