Արցախի Հանրապետության մշակույթի, երիտասարդության հարցերի և զբոսաշրջության նախարարության նախաձեռնությամբ` Ստեփանակերտի մշակույթի և երիտասարդության պալատում տեղի է ունեցել Նյու Յորքի Մանհեթթենվիլի քոլեջի պրոֆեսոր Շվոն Նաշ Մարշալի «Հայրերի մեղքը» գրքի շնորհանդեսը:
«Իմ գրքում պատմում եմ հայ ժողովրդի հետ կատարված ամենասարսափելի դեպքերի՝ Ցեղասպանության մասին»,-ասել է շնորհանդեսին ներկա հեղինակը՝ հավելելով. «Ի տարբերություն շատ պատմաբանների՝ ես չեմ համարում, որ Հայոց Ցեղասպանությունն սկսվել է 1915 թվականին և վերջացել 1923-ին: Չեմ համարում նաև, որ այն վերաբերում է միայն հայերին: Հայոց ցեղասպանությամբ սկսվեց ավերումների մի սոսկալի ալիք: Ուսումնասիրելով Ցեղասպանության պատմությանը՝ ես գտնում եմ, որ այն սկսվել է 1856 թվականին: Ամենասարսափելին այն է, որ Գեղասպանությունը չի դադարել, քանի որ գողացված հայկական հողերը բռնազավթվել են: Կեղծվել է պատմությունը: Ըստ իս, սա ևս, Ցեղասպանություն է: Դուք՝ հայերդ, կարողացել եք ստեղծել պետություն, դիմակայել բոլոր փորձությունները՝ «ոչ» ասելով ցեղասպան քաղաքականությանը: Պատահական չէ, որ գրքիս շնորհանդեսը կազմակերպել եմ հենց Արցախում»:
Artsakhpress.am
Leave a Reply