Էրդողանի կուսակցությունը և ազգայնականները լարված փոխհարաբերություններով գնում են ՏԻՄ ընտրությունների

Թուրքիայի Ազգայնական շարժում (ԱՇԿ-MHP) կուսակցությունը պատրաստվում է 2019-ին տեղի ունենալիք տեղական ինքնակառավարման մարմինների (ՏԻՄ) ընտրություններին։

Նախօրեին հայտնի էր դարձել, որ MHP-ն այդ ընտրություններին իշխող Արդարություն և զարգացում (ԱԶԿ-AKP) կուսակցության հետ միասին դաշինքով չի մասնակցելու, որի հետևանքով կողմերի միջև լարվածություն էր առաջացել։

ՏԻՄ ընտրությունների շրջանակներում MHP-ն ցանկանում է որպես Անկարայի քաղաքապետի թեկնածու առաջադրել Մելիհ Գյոքչեքին։ Վերջինս շուրջ 23 տարի եղել է Անկարայի քաղաքապետի պաշտոնում, սակայն 2017 թ. Թուրքիայի նախագահի պահանջով հրաժարական էր տվել։

Ըստ MHP-ին մոտ կանգնած աղբյուրների՝ սպասվում է, որ կուսակցապետ Դևլեթ Բահչելին կհանդիպի Գյոքչեքի հետ՝ քննարկվելու նրա թեկնածության հարցը։

Հիշեցնենք, որ Մելիհ Գյոքչեքը Թուրքիայում հայտնի է իր հակահայկական հայացքներով։ Նա մշտապես սերտ կապերի մեջ է եղել Թուրքիայի նախագահ Էրդողանի հետ։

Ermenihaber.am