Մարդինի Միդյաթ գավառից 30 կմ հեռավորության վրա Անըթլը գյուղում գտնվող (հին անունը` «Հահ» ) ասորական համայնքի համար կարևոր նշանակություն ու մոտ 1500 տարվա պատմություն ունեցող Սուրբ Սամուել եկեղեցին, 60 տարի չգործելուց հետո, վերանորոգվել է։ Այդ մասին հաղորդում է Akunq.net-ը` վկայակոչելով «Հյուրիեթ» պարբերականում տպագրված հրապարակումը:
Աղբյուրի համաձայն` այդքան տարվա ընդմիջումից հետո առաջին անգամ այս եկեղեցում պատարագ է մատուցվել։ Սուրբ Գաբրիել հիմնադրամի ղեկավար Քորյաքուս Էրգյունը լրատվամիջոցին ասել է, որ Սուրբ Սամուել եկեղեցին սեփականության իր իրավունքը հետ ստացած այն չորրորդ եկեղեցին է, որը վերջին մեկ տարում վերանորոգվել ու վերաբացվել է որպես սրբավայր։
Սուրբ Սամուել եկեղեցում տեղի ուենցած առաջին պատարագին մասնակցել են թե՛ Թուրքիայից, թե՛ Եվրոպայից ասորական համայնքի բազմաթիվ ներկայացուցիչներ։
60 տարի փակ էր
Քորյաքուս Էրգյունը նշել է նաև, որ Սուրբ Սամուել եկեղեցին 60 տարի շարունակ փակ է եղել։ Եկեղեցին վերանորոգվել է համայնքի անդամների կողմից ու հիմնադրամի աջակցությամբ ու վերաբացվել որպես սրբավայր: Էրգյունը նաև հավելել է. «Սուրբ Սամուել եկեղեցին այն շինություններից մեկն է, որի սեփականության իրավունքը այս տարի հետ է վերադարձվել համայնքին` Նախարարների խորհրդի կողմից արված օրենսդրական փոփոխություններից հետո։ Այնուհետև արագացրեցինք շրջանում տարիներ շարունակ վերակառուցման ու վերանորգման սպասող սրբավայրերի վերաբացման աշխատանքները»։
Թարգմանեց Անի Մելքոնյանը
Akunq.net
Leave a Reply