Թուրքիայի հայությունը նոր ստորագրահավաք է սկսել Աթեշյանին կարգալույծ անելու պահանջով

Թուրքիայի հայությունը նոր ստորագրահավաք է սկսել Պոլսո Հայոց պատրիարքի փոխանորդ Արամ Աթեշյանին կարգալույծ անելու պահանջով:

Change.org կայքում մեկնարկած ստորագրահավաքին միացել են Թուրքիայում ապրող բազմաթիվ հայեր և կոչ արել միանալ իրենց:

Ակցիայի մասնակիցները մեղադրում են Աթեշյանին ստախոսության, համայնքը եկեղեցուց հեռացնելու, եկեղեցական գույքը վաճառքի հանելու, խոստումները չպահելու ու հայ համայնքի անցյալը չհարգելու մեջ: Ստորագրահավաքով նրանք պահանջում են ոչ միայն զրկել Աթեշյանին պատրիարքի փոխանորդի պաշտոնից, այլև կարգալույծ անել նրան՝ զրկելով կրոնական կոչումից:

Հիշեցնենք, որ անցյալ տարի Աթեշյանը համայնքի ճնշման ներքո հրաժարական էր տվել ու համաձայնվել Պոլսո Հայոց պատրիարքի փոխանորդի նոր ընտրությունների: Ավելի ուշ, սակայն, պետության միջամտությամբ Աթեշյանը կրկին վերադարձավ պաշտոնին:

https://www.tert.am/am/news/2018/10/07/ateshyan/2812608