Թուրքիան բավական ուժեղ է եւ չի տրվի շանտաժներին ու սպառնալիքներին, որոնք իր հանդեպ օգտագործվում են ԱՄՆ–ի կողմից։ Այս մասին հայտարարել է Թուրքիայի նախագահ Թայիփ Էրդողանը՝ տեղեկացնում է ՌԻԱ Նովոստին։
«ԱՄՆ-ը կանգնել է քաղաքական խնդիրները ոչ թե բանակցությունների, այլ շանտաժի ու սպառնալիքների լեզվով լուծելու սխալ ուղու վրա։ Բայց մեր տնտեսությունը բավական ուժեղ է, որպեսզի չտրվենք գրոհներին ու սպառնալիքներին։ Մեզ անհանգստացնում է, որ ԱՄՆ-ի այժմյան ղեկավարությունը, առանց որեւէ տրամաբանության եւ առանց հաշվի առնելու ռազմավարական հավասարակշռությունը, մեր երկիրը որպես թիրախ է ընտրել։ ԱՄՆ-ը հաշվի չի նստում Սիրիայում մեր զգացմունքայնության հետ եւ շարունակում է համագործակցել ահաբեկչական կազմակերպությունների հետ։ ԱՄՆ-ի այս բացասական մոտեցումը փոխադրվում է նաեւ տնտեսական հարթություն»,- ասել է Էրդողանը՝ ելույթ ունենալով Թուրքիայի խորհրդարանի առջեւ։
Նա հիշեցրել է նաեւ Բրանսոնի գործը եւ ասել է, որ դա ԱՄՆ-ի համար առիթ է Թուրքիայի դեմ պատժամիջոցներ կիրառելու համար։ Նա ընդգծել է, որ իրենք, միեւնույն է, տրամադրված են շարունակել գործողությունները դիվանագիտության եւ օրենքի սահմաններում։
Leave a Reply