Վանա լիճը 25 տարի անց կարող է ճահճի վերածվել․ թուրք բնապահպան

Վանա լճին իսկական բնապահպանական աղետ է սպառնում․ լիճը, ուր մեկ վայրկյանում 1.800 տոննա կոյուղաջուր է լցվում, կարող է 25 տարի անց ճահճի վերածվել, այս մասին ահազանգում է թուրք բնապահպան Ալի Քալչըքը, գրում է Gazeteduvar.com.tr կայքը։

Ըստ բնապահպանի՝ եթե իշխանությունը որևէ արտակարգ միջոցառում չձեռնարկի, Վանա լիճը կբախվի բնապահպանական մեծ աղետի։

Քալչըքը նաև հայտնել է, որ բնապահպանական խնդիրների պատճառով ամեն տարի լճում սատկում են հազարավոր ձկներ ու նաև Վանա տառեխը, որը բազմանում է միայն Վանա լճի ջրերում։

Լրատվամիջոցի հետ զրույցում բնապահպանը նշել է, որ լճի ջուրը պղտորվում է ոչ միայն կոյուղաջրերի, այլև այստեղ գործող հիդրոէլեկտրակայանների և տեղի բնակիչների ու զբոսաշրջիկների թողած աղբի պատճառով, որը հաճախ չի հավաքվում ինքնակառավարան մարմինների կողմից։

http://www.tert.am/am/news/2018/09/11/van/2787978