Թուրքիայի խորհրդարանի նախագահն Ադրբեջանում է

Պաշտոնական այցով Ադրբեջանում գտնվող Թուրքիայի նախկին վարչապետ, այժմ խորհրդարանի նախագահ Բինալի Յըլդըրըմը Բաքվի օդանավակայանում լրագրողների հետ զրույցում խոսել է թուրք–ադրբեջանական հարաբերությունների մասին։

Յըլդըրըմը մասնավորապես ասել է.

«Ադրբեջանը և Թուրքիան այնպիսի երկրներ են, որոնք «երկու պետություն, մեկ ազգ» գիտակցությամբ ձեռք ձեռքի բռնած` ցանկացած հարթակում զարգացնում են իրենց հարաբերությունները և միասին համագործակցում ինչպես տարածաշրջանային, այնպես էլ միջազգային հարցերում։ Հավատում ենք, որ այս այցը թափ կհաղորդի մեր հարաբերությունների զարգացմանը։ Հաճելի է գտնվել մեր հայրենիքում՝ Ադրբեջանում։ Ողջունում եմ ադրբեջանցի ժողովրդին»։

Աղբյուրը հաղորդում է, որ Յըլդըրըմը Ադրբեջանում հանդիպելու է նախագահ Իլհամ Ալիևի, խորհրդարանի նախագահ Օքթայ Ասադովի, վարչապետ Նովրուզ Մամեդովի հետ։
Թուրքիայի խորհրդարանի նախագահը նաև այցելելու է «Թյուրքալեզու երկրների խորհրդարանական վեհաժողովի» Բաքվի գրասենյակ։

Աղբյուր` Haberler

Ermenihaber.am