Թուրքիայի հարավ–արևելյան Վան նահանգի Գյուրփընարի շրջանում թուրք ուժայինների կողմից իրականացված գործողությունների հետևանքով սպանվել է Քուրդիստանի բանվորական կուսակցության (ՔԲԿ-PKK) 2 զինյալ, որոնցից մեկը` կին:
Վանի նահանգապետարանը հայտարարություն է տարածել, որ ՔԲԿ-ի զինյալների` քաղաքացիների դեմ հարձակումը կանխվել է թուրքական ժանդարմերիայի կողմից ձեռնարկված գործողությունների արդյունքում:
Հայտարարության մեջ նշվում է, որ Գյուրփընարի շրջանում գտնվող Թըրշին բարձրավանդակում երկրում ՔԲԿ-ի մի խումբ գրոհայիններ պատրաստվում էին հարձակում գործել:
Այն վայրում, որտեղ ապաստանել էին գրոհայինները, առգրավվել են կազմակերպության բազմաթիվ փաստաթղթեր և նյութեր:
Հիշեցնենք, որ PKK-ն Թուրքիայի կողմից համարվում է ահաբեկչական կազմակերպություն։ Վերջինիս դեմ գործողություններն իրականացվում են ինչպես Թուրքիայում, այնպես էլ Իրաքի Քանդիլ շրջանում, որտեղ գտնվում է PKK-ի գլխավոր ռազմաբազան։ Թուրքական կողմը Սիրիայի քրդական ուժերին նույնացնում է PKK-ի հետ։
Աղբյուր` Milliyet
Ermenihaber.am
Leave a Reply