Ստամբուլի հայաբնակ Քընալը կղզում երեխայի առեւանգման փորձ է եղել

Ստամբուլի Քընալը կղզում անհայտ անձիք փորձել են առեւանգել կղզում գործող ճամբարից տուն վերադարձող հայ երեխային։

Ինչպես տեղեկացնում է Ստամբուլի հայկական «Ակօս»-ը, երեխան ճամբարից դուրս գալուց հետո հանդիպել է 3 տղամարդու, որոնք նրան ասել են, թե արի մեզ հետ եւ սպառնացել, եթե հրաժարվի։ Ճանապարհին երեխան հասցրել է սմարթ ժամացույցով դեպքի մասին տեղեկացնել ծնողին եւ փախչել։

Երեխայի ծնողներն անմիջապես ոստիկանություն են դիմել, որից հետո սկսել է 3 տղամարդկանց որոնումները։

Ճամբարի մոտ եւ հարեւանությամբ գտնվող եկեղեցու տեսախցիկների տեսագրություններում տղամարդիկ չեն երեւում։

Քընալը կղզու պլատֆորմի նախագահ Նուրհան Չեթինքայան նշել է, թե հավանաբար, այդ տղամարդկանց կղզում ապրող ինչ-որ անձիք ուղղորդել են վախեցնել կղզում ապրող հայերին։

https://news.am/arm/news/466685.html