Ջեմ Օզդեմիրը Գերմանիային կոչ է արել ավելի խիստ պահանջներ ներկայացնել Թուրքիային

Գերմանիայի խորհրդարանի (Բունդեսթագի) պատգամավոր, Կանաչների կուսակցության ներկայացուցիչ Ջեմ Օզդեմիրը, ով թուրքական ծագում ունի, կոչ է արել Մերկելի կառավարությանը՝ նոր բարեփոխումներ պահանջել Թուրքիայից։

Ըստ Օզդեմիրի՝ Թուրքիայի տնտեսական ճգնաժամը թույլ է տալիս Անկարայից նոր ռեֆորմներ պահանջել։ Ճիշտ ժամանակն է, որ Գերմանիան հստակ և կտրուկ խոսի նախագահ Ռեջեփ Թայիփ Էրդողանի հետ և հստակ պահանջներ ներկայացնի։

«Էրդողանին պիտի բացատրել, որ որևէ ծառայություն կարող է մատուցվել փոխադարձ մեկ այլ ծառայության դիմաց միայն», – նշել է պատգամավորը։

Նրա կարծիքով՝ Թուրքիայում խորացող տնտեսական ճգնաժամի պատճառը ոչ թէ ԱՄՆ-ն է, այլ հենց Թուրքիան։

«Տնտեսական ճգնաժամը խորանում է, քանի որ նախագահ Էրդողանը չի ցանկանում լսել տնտեսագետներին», – ընդգծել է Օզդեմիրը։

Աղբյուր` Ensonhaber.com

Ermenihaber.am