Հոլանտայի մայրաքաղաք Ամսթերտամի մէջ անծանօթ անձ մը յարձակում գործած է Թուրքիոյ ընդհանուր հիւպատոսութեան շէնքին դէմ: Այս մասին կը հաղորդէ «Պի.Պի.Սի.»-ի թրքական ծառայութիւնը:
Անծանօթ տղամարդը գիշերուան ժամերուն Մոլոթովի քոքթէյլ մը նետած է շէնքին ուղղութեամբ, որուն պատճառով տարածքին մէջ ծագած է ոչ շատ մեծ հրդեհ մը, որ կարելի եղած է արագօրէն մարել:
Դէպքին պատճառով մարդկային վնասներ չեն արձանագրուած:
Իրաւապահները արդէն ձերբակալած են կասկածելի մը: Հոլանտական ոստիկանութենէն յայտնած են, որ կասկածելին վնասազերծուած է:
Leave a Reply