Քուրդ զինյալները հարձակվել են թուրքական ռազմաբազայի վրա

Օգոստոսի 8-ին Հյուսիսային Իրաքից Քուրդիստանի բանվորական կուսակցության (ՔԲԿ-PKK) գրոհայինները կրակ են բացել Թուրքիայի հարավարևելյան սահմանամերձ Հաքքարի նահանգի Չուքուրջա շրջանում գտնվող թուրքական ռազմաբազայի վրա։ Դրա հետևանքով վիրավորվել է 6 թուրք զինվոր, որից մեկի վիճակը ծանր է։

Թուրքիայի օդային ուժերը Հյուսիսային Իրաքում հրթիռակոծել են քուրդ զինյալների հենակետերը։ Այդ մասին հայտնում է Թուրքիայի զինված ուժերի գլխավոր շտաբը։

Հայտարարությունում ասված է, որ հրթիռակոծության հետևանքով ոչնչացվել են քուրդ զինյալների մի շարք թաքստոցներ, խրամատներ։

Հիշեցնենք, որ PKK-ն Թուրքիայում համարվում է ահաբեկչական կազմակերպություն։ Վերջինիս գլխավոր ռազմաբազան գտնվում է Հյուսիսային Իրաքի Քանդիլ շրջանում, որտեղ թուրքական կողմը հաճախակիորեն իրականացնում է ռազմական գործողություններ։

Աղբյուր` Ensonhaber

Ermenihaber.am