Էրդողանի պատճառով Թուրքիան տնտեսապես չի տարբերվելու Սուդանից. Կարո Փայլան

Թուրքիայի խորհրդարանի հայ պատգամավոր Կարո Փայլանն անդրադարձել է ամերիկացի հոգեւորականին պատանդ պահելու պատճառով ԱՄՆ–ի պատժամիջոցների հետեւանքներին։

Կարո Փայլանը Twitter–ի իր էջում գրել է. «Հոգեւորական Բրանսոնին պատանդ պահելու հետեւանքով ԱՄՆ–ը պատժամիջոցներ սահմանեց Արդարադատության եւ ՆԳ նախարարի դեմ։

Պատանդների առեւտրով զբաղվելու ընթացքում Թուրքիան քաղաքականապես եւ տնտեսապես չի տարբերվի Սուդանից»։

Նշենք, որ 2016–ի հեղաշրջման փորձից հետո Իզմիրում ձերբակալվել է տեղի կաթոլիկ եկեղեցիներից մեկի ամերիկացի պաստոր Քրեյգ Բրանսոնը՝ հեղաշրջման փորձի մեջ մեղադրվողների եւ PKK–ի զինյալների հետ կապեր ունենալու մեղադրանքով։

https://news.am/arm/news/464777.html