Ամերիկացի հոգեւորականին պատանդ պահելով՝ Թուրքիան իրեն է վնասելու. Կարո Փայլան

Թուրքիայի խորհրդարանի հայ պատագամավոր Կարո Փայլանն անդրադարձել է հեղաշրջման փորձի մասնակիցների հետ կապի մեջ լինելու մեղադրանքով կալանավորված ամերիկացի հոգեւորական Քրեյգ Բրանսոնի խնդրին։ 

Կարո Փայլանը Twitter–ի իր էջում գրել է. «Զավեշտալի պնդումներով հոգեւորական Բրանսոնին պատանդ պահելը կվնասի Թուրքիային։ Այն ամեն պահի կարող է ԱՄՆ–ի պատժամիջոցների առիթ դառնալ։ Էրդողանը պետք է պատանդների «առեւտրից» հրաժարվի»։

Նշենք, որ 2016–ի հեղաշրջման փորձից հետո Իզմիրում ձերբակալվել է տեղի կաթոլիկ եկեղեցիներից մեկի ամերիկացի պաստոր Քրեյգ Բրանսոնը՝ հեղաշրջման փորձի մեջ մեղադրվողների եւ PKK–ի զինյալների հետ կապեր ունենալու մեղադրանքով։

Օրեր առաջ թուրքական դատարանը Բրանսոնի կալանքը փոխարինեց տնային կալանքով։

https://news.am/arm/news/464368.html