Ստամբուլի հայկական դպրոցներում ավարտական քննություններին կրոնի հետ կապված հարցերը դժգոհություն են առաջացրել ծնողների մոտ։
Թուրքական Hürriyet–ի փոխանցմամբ՝ հայկական դպրոցներում ավարտական քննություններում կրոնի հարցերը քրիստոնյաների համար են նախատեսված եղել, սակայն աշակերտները ցածր գնահատականներ են ստացել, ինչը վրդովեցրել է ծնողներին։
Ըստ ծնողների, եթե մուսուլմանների համար կրոնի հարցերը շատ հեշտ են եղել, ապա քրիստոնյաների համար հատուկ դժվար հարցեր են ընտրվել՝ երեխաներին ցածր գնահատելու համար։
Քարագյոզյան դպրոցի հիմնադիր Քարուն Քովանը նշել է, թե Թուրքիայի կրթության նախարարությունը սխալ չունի այստեղ, քանի որ հարցերը նախարարությանն են ուղարկել Պոլսո հայոց պատրիարքարանի հոգեւորականները։
Հարցերը պատրաստած հանձնաժողովի նախագահ, վարդապետ Թաթուլ Անուշյանը պնդել է, թե հարցերը ուսուցիչների հետ միասին են պատրաստել, իսկ ցածր գնահատական ստացողները ուղղակի չեն պատրաստվել քննությանը։
Leave a Reply